Jafnréttisáætlun

Við Keili skal ríkja jafnrétti og gagnkvæm virðing meðal starfsfólks og nemenda og skulu allir njóta sanngirni og jafnra tækifæra. Í jafnréttisáætlun þessari skal tryggt að starfsmönnum sé ekki mismunað vegna kyns, aldurs, þjóðernis, kynþáttar, fötlunar eða kynhneigðar og koma í veg fyrir mismunun eða áreiti á grundvelli þessa eða annarra óviðkomandi þátta. Áætlunin á að stuðla að því að allir innan Keilis séu virtir og metnir að verðleikum og á eigin forsendum og að hæfileikar og mannauður verði sem best nýttur.

Jafnréttisáætlun Keilis er í samræmi við 5. gr. laga nr. 150/2020 um jafna stöðu um jafnan rétt karla og kvenna, lögum nr. 59/1992 um jafna stöðu fatlaðs fólks og lögum um framhaldsskóla nr. 92/2008. Jafnréttisáætlun þessi innifelur einnig jafnlaunastefnu skólans.

Keilir hlaut jafnlaunavottun þann 15.desember 2021.

Ábyrgð og framkvæmd

Stjórnendur skólans eru ábyrgir fyrir framgangi jafnréttismála og framkvæmd og eftirfylgni jafnréttisáætlunar. Sérstök jafnréttisnefnd fylgist með framgangi jafnréttisáætlunar og skal í febrúar ár hvert taka út og birta skýrslu um stöðu jafnréttismála innan skólans og áætlaðar aðgerðir. Jafnréttisnefnd er kjörin af framkvæmdastjóra og skulu þar sitja þrír aðilar, tveir fulltrúar starfsfólks og einn fulltrúi nemenda. Nemandinn kemur að þeim þáttum er varða nemendur.

Áætlun um aðgerðir til að framfylgja jafnréttisstefnu

1.0. Starfsfólk

Öllum kynjum skulu greidd jöfn laun og skulu njóta sömu kjara fyrir sömu eða jafnverðmæt störf. Með jöfnum launum er átt við að laun skulu ákveðin á sama hátt fyrir öll kyn. Skulu þau viðmið sem lögð eru til grundvallar launaákvörðun ekki fela í sér kynjamismunun.

Starfsmönnum skal ávallt heimilt að skýra frá launakjörum sínum ef þeir kjósa svo (6. gr. laga nr. 150/2020).

1.1 Staða og kjör kynjanna

Markmið	Aðgerð	Ábyrgð	Tímarammi
Að öll kyn fái jöfn laun og njóti sömu kjara fyrir sömu eða jafn verðmæt störf.	Marka stefnu í jafnlaunamálum. Stefnan kynnt fyrir starfsfólki.	Framkvæmdastjóri Keilis	31.des. 2022
	Greina laun og fríðindi starfsmanna til að kanna hvort um kynbundinn launamun er að ræða.	Framkvæmdastjóri Keilis
	Leiðrétta laun ef fram kemur óútskýranlegur munur á launum kynjanna.	Framkvæmdastjóri Keilis
	Jafnlaunavottun	Framkvæmdastjóri Keilis

Starf sem laust er til umsóknar skal standa opið öllum kynjum (sbr 20. gr. laga nr. 10/2008; 8. gr. laga nr. 86/2018)

Ef úttekt á kynjahlutfalli starfsfólks leiðir í ljós að á eitt kynið hallar, mun skólinn leggja áherslu á að jafna hlut kynjanna. Haft verður í huga hvaða kröfur eru gerðar til umsækjenda, hvernig starfsauglýsingar eru orðaðar og hvar er auglýst eftir starfsfólki.

Markmið	Aðgerð	Ábyrgð	Tímarammi
Að laus störf hjá Keili standi opin öllum kynjum.	Samantekt kynjahlutföllum í öllum starfshópum.	Framkvæmdastjóri Keilis	Alltaf þegar starf er auglýst laust til umsóknar
Að laus störf hjá Keili standi opin öllum kynjum.	Samantekt yfir auglýst störf og ráðningar	Framkvæmdastjóri Keilis
Að jafna kynjahlutfallið í starfsmannahópum	Öll kyn hvött til að sækja um laus störf	Framkvæmdastjóri Keilis

Kynjahlutföll starfsmanna eftir starfaflokkum

Starfaflokkur	Samtals	Fjöldi kk.	Fjöldi kvk.	Fjöldi hlutlaust / hán	Hlutfall kk.	Hlutfall kvk.	Hlutfall hlutlaust / hán
Kennarar	8	3	5	0	37,5%	62,5%	0
Stoðþjónusta	7	3	4	0	43%	57%	0
Stjórnendur	3	1	2	0	33%	67%	0

Stjórnendur Keilis munu gera nauðsynlegar ráðstafanir til að tryggja að öll kyn njóti sömu möguleika til símenntunar og starfsþjálfunar og til að sækja námskeið sem haldin eru til að auka hæfni í starfi eða til undirbúnings fyrir önnur störf. (Sbr. 12. gr. laga nr. 150/2020)

Keilir lítur á það sem sjálfsagðan hlut í starfsemi stofnunarinnar að senda starfsmenn sína á námskeið. Einn liður í jafnréttisáætluninni er að tryggja að öll kyn standi þar jafnt að vígi.

1.2 Laus störf, starfsþjálfun, símenntun

Markmið	Aðgerð	Ábyrgð	Tímarammi
Laus störf standi öllum kynjum til boða.	Komi fram í öllum starfsauglýsingum.	Framkvæmdastjóri Keilis	Í öllum starfsauglýsingum.
Laus störf standi öllum kynjum til boða.	Sæki tveir jafnhæfir einstaklingar um starf við skólann, skal velja einstakling af því kyni sem hallar á.	Framkvæmdastjóri Keilis	Þegar ráðið er í nýtt starf.
Að tryggja að starfsþjálfun og símenntun sé aðgengileg öllum kynjum	Árleg greining á sókn kynjanna í sambærilegum störfum í starfsþjálfun og símenntun	Framkvæmdastjóri Keilis	Lokið í maí ár hvert fyrir yfirstandandi skólaár
	Hvetja starfsmenn, ef fram kemur munur á sókn kynjanna, í símenntun og starfsþjálfun	Framkvæmdastjóri Keilis	Lokið í maí ár hvert fyrir yfirstandandi skólaár
Að tryggja að öll kyn hafi jafna möguleika í ráð og nefndir á vegum skólans	Hafa í huga kynjahlutföll þegar skipað er í nefndir og ráð	Framkvæmdastjóri Keilis	Alltaf þegar skipað er í nefndir og ráð

1.3 Samræming fjölskyldu- og atvinnulífrs

Keilir gerir nauðsynlegar ráðstafanir til að gera kynjunum kleift að samræma starfsskyldur sínar og ábyrgð gagnvart fjölskyldu. Ráðstafanir þær skulu m.a. miða að því að auka sveigjanleika í skipulagningu á vinnu og vinnutíma þannig að bæði sé tekið tillit til fjölskylduaðstæðna starfsmanna og þarfa atvinnulífs, þar með talið að starfsmönnum sé auðveldað að koma aftur til starfa eftir fæðingar- og foreldraorlof eða leyfi úr vinnu vegna óviðráðanlegra og brýnna fjölskylduaðstæðna. (Sbr. 13. gr. laga nr. 150/2020)

Markmið	Aðgerð	Ábyrgð	Tímarammi
Að vera fjölskylduvænn vinnustaður	Kynna stefnu stofnunarinnar hvað varðar samræmingu fjölskyldu- og atvinnulífs	Framkvæmdastjóri Keilis	Kynning í september ár hvert.
Að hafa kerfi sveigjanlegs og fyrirsjáanlegs vinnutíma	Skóladagatal (starfsdagatal) segi fyrir um starfstíma skólaársins	Framkvæmdastjóri Keilis	Árlega í maí fyrir komandi skólaár.
Leitast við að hafa stundatöflu kennara sem hagkvæmasta miðað við fjölskylduhagi	Stundatöflugerð	Verkefnastjóri	Árlega í desember og ágúst.
Leitast við að hafa eins sveigjanlegan vinnutíma og mögulegt er miðað við starfsemi stofnunarinnar fyrir alla starfsmenn	Fara yfir vinnuskyldu, viðveru og vinnutíma með öllum starfsmönnum	Framkvæmdastjóri Keilis	Árlega í starfssamtali í apríl
Þróa fjarvinnu þar sem því verður við komið	Þróa tækninotkun og samstarfshæfni fjarvinnu	Framkvæmdastjóri Keilis	Stöðugt, farið yfir á fagfundum á hausti og vori

Keilir telur jafna ábyrgð beggja foreldra afar mikilvæga. Öll kyn eru hvött til að nýta rétt sinn til töku fæðingarorlofs og vera heima hjá veiku barni til jafns við aðra foreldra. (Sbr. 13. gr. Laga nr. 150/2020)

Markmið	Aðgerð	Ábyrgð	Tímarammi
Að öll kyn nýti sér þann rétt sem þau eiga varðandi foreldra- og fæðingarorlof og leyfi vegna veikinda barna	Kynna fyrir starfsfólki og þá sérstaklega verðandi foreldrum, réttindi og skyldur sem það hefur gagnvart vinnustaðnum	Framkvæmdastjóri Keilis	Kynning í september ár hvert

Tengill að fjölskyldustefnu Keilis: https://www.keilir.net/is/keilir/gagnlegt-efni/stefnur-aetlanir/starfsmannastefna

1.4 Stjórnendur

„Ef yfirmaður er kærður vegna ætlaðs kynbundins ofbeldis, kynbundinnar eða kynferðislegrar áreitni verður hann vanhæfur til að taka ákvarðanir í tengslum við starfsskilyrði kæranda meðan meðferð málsins stendur yfir og skal þá næsti yfirmaður taka slíkar ákvarðanir.“ (14. gr. laga nr.150/2020)

1.5 Húsnæði

Markmið	Aðgerð	Ábyrgð
Aðgengileg salerni fyrir öll kyn í starfsmannarými	Aðgengi að kynlausum salernum	Framkvæmdastjóri Keilis	í Lok janúar 2021.

2.0 Kynbundið ofbeldi, kynbundin og kynferðisleg áreitni

Keilir gerir sérstakar ráðstafanir til að koma í veg fyrir að starfsfólk, nemar og skjólstæðingar verði fyrir [kynbundnu ofbeldi, kynbundinni áreitni eða kynferðislegri áreitni] í skólastarfi og félagslífi á vegum skólans. (Sbr. 14. gr. laga 150/2020)

Markmið	Aðgerð	Ábyrgð	Tímarammi
Að sinna fræðslu og upplýsingagjöf svo minnka megi áhættuna á því að nemendur og starfsfólk skólans verði fyrir kynbundnu ofbeldi, kynbundinni áreitni og / eða kynferðislegri áreitni	Allt starfsfólk og nemendur skólans fái fræðslu um kynbundið ofbeldi, kynbundna áreitni og kynferðislega áreitni	Náms- og starfsráðgjafi og framkvæmdastjóri Keilis	Lokið árlega í september og síðan fylgt eftir allt skólaárið
Að í skólanum sé til forvarnar og viðbragðsáætlun gegn einelti, kynferðislegri áreitni, kynbundinni áreitni og ofbeldi	Forvarnar- og viðbragðsáætlunin kynnt fyrir öllum nemendum og öllu starfsfólki
Að starfsfólk og nemendur skólans viti hvert skal leita ef það verður fyrir eða verður vitni að kynbundnu ofbeldi, kynbundinni áreitni og / eða kynferðislegri áreitni	Í forvarnar- og viðbragðsáætluninni kemur skýrt fram hvert skal leita ef slík mál koma upp. Staða nemenda könnuð í nemendakönnun

3.0 Nemendur

Málefni tengd nemendum sem ekki koma fram í öðrum köflum þessarar stefnu.

3.1 Félagslíf nemenda á stúdentsbrautum

Markmið	Aðgerð	Ábyrgð	Tímarammi
Gæta skal þess að nemendur af öllum kynjum hafi jöfn tækifæri til að sitja í nefndum og ráðum á vegum skólans og nemendafélags hans	Yfirfara skipanir í ráð og nefndir nemenda. Yfirfara tillögur um þá nemendur sem koma fram fyrir hönd skólans	Framkvæmdastjóri Keilis	Þegar skipað er í ráð og nefndir nemenda
Gæta skal þess að nemendur af öllum kynjum hafi jöfn tækifæri til að koma fram fyrir hönd skólans í keppnum, kynningum, nefndum og ráðum annarra	Yfirfara skipanir þeirra sem koma fram fyrir hönd skólans	Framkvæmdastjóri Keilis	Þegar nemendur eru fengnir til að koma fram fyrir hönd skólans eða nemenda hans

3.2 Húsnæði

Markmið	Aðgerð	Ábyrgð
Aðgengileg nemendasalerni fyrir öll kyn	Aðgengi að kynlausum salernum	Framkvæmdastjóri Keilis

4.0 Menntun og skólastarf

Kynjasamþættingar skal gætt við alla stefnumótun og áætlanagerð í skólanum, þar á meðal íþrótta- og tómstundastarfi. Á öllum skólastigum skulu nemendur hljóta fræðslu um jafnréttismál þar sem m.a. skal lögð áhersla á að búa bæði kynin undir jafna þátttöku í samfélaginu, svo sem í fjölskyldu- og atvinnulífi. Kennslu- og námsgögn skulu þannig úr garði gerð að kynjum sé ekki mismunað. Í náms- og starfsfræðslu og við ráðgjöf í skólum skulu öll kyn hljóta fræðslu og ráðgjöf í tengslum við sömu störf. (15. gr. laga nr. 150/2020)

4.1 Nám og kennsla

Markmið	Aðgerð	Ábyrgð	Tímarammi
Kynjasamþættingar skal gætt við alla stefnumótun, áætlanagerð og kennslu í skólanum	Stjórnendur og kennarar sæki námskeið í samþættingu jafnréttis- og kynjasjónarmiða	Náms- og starfsráðgjafi	Fræðsluerindi annað hvert ár
	Samsetning kynja komi fram í ársskýrslu skólans	Framkvæmdastjóri Keilis	Árlega í mars
Nemendur fái fræðslu um jafnréttismál þar sem m.a. er lögð áhersla á að búa öll kyn undir jafna þátttöku í samfélaginu	Jafnréttisfræðsla verði samþætt inn í allar námsgreinar sbr. grunnþætti menntunar úr námskrá framhaldsskóla	Verkafnastjóri	September ár hvert
Kennslu- og námsgögn skólans skulu þannig úr garði gerð að kynjum sé ekki mismunað	Námsefni hvers áfanga yfirfarið m.t.t. jafnréttis	Kennari	Í janúar og ágúst

4.2 Náms- og starfsráðgjöf

Markmið	Aðgerð	Ábyrgð	Tímarammi
Markvisst unnið gegn kynbundnu náms- og starfsvali.	Náms- og starfsfræðsla með áherslu á að vinna gegn neikvæðum staðalmyndum um hlutverk kvenna og karla.	Náms- og starfsráðgjafi.	Í mars og október ár hvert í tengslum við valtíma nemenda. Á öllum kynningum um námsframboð skólans.
Nemendur hljóti fræðslu og ráðgjöf varðandi nám og störf óháð kyni.	Náms- og starfsráðgjöf við nemendur taki mið af meðvitund um kynbundna félagsmótun í námvali.	Náms- og starfsráðgjafi.	September ár hvert.

5.0 Eftirfylgni

Árlega er farið yfir niðurstöður allra verkefna sem koma fram í stefnu þessari og þær kynntar fyrir starfsfólki skólans. Hvað gekk vel og hvað má betur fara til að líkur séu á raunverulegum árangri til lengri tíma.

Markmið	Aðgerð	Ábyrgð	Tímarammi
Að jafnréttisáætlunin skili tilætluðum árangri	Viðhorfskönnun meðal starfsfólks með tilliti til verkefna áætlunarinnar	Jafnréttisteymi	Lokið í apríl annað hvert ár þegar árið endar á sléttri tölu

Jafnréttisáætlun og jafnréttissjónarmið í starfsmannastefnu skólans skal endurskoða á þriggja ára fresti.

Markmið	Aðgerð	Ábyrgð	Tímarammi
Að jafnréttisáætlunin sé í sífelldri þróun eins og önnur stefnumótun	Vinna tillögu að nýrri jafnréttisáætlun á grundvelli reynslu, verkefna og niðurstaðna kannana	Jafnréttisteymi, framkvæmdastjóri Keilis	Lokið tveim mánuðum áður en gildistími eldri áætlunar rennur út

Jafnréttisstofa hefur eftirlit með framkvæmd laga nr. 150/2020um jafna stöðu og jafnan rétt kvenna og karla. Eftirlitinu er m.a. sinnt með reglulegri innköllun jafnréttisáætlana frá fyrirtækjum og stofnunum með 25 starfsmenn eða fleiri.

Jafnréttisáætlun Keilis tók gildi 1.janúar 2021 og var endurskoðuð og uppfærð 1.október 2022 gildir til 1.október 2024 Áætlunin var aftur uppfærð 1.október 2024 þar sem starfsemi skólans hefur breyst nokkuð. Uppfærð áætlun gildir því til 1.október 2025. Áætlunin verður endurskoðuð á þriggja ára fresti eða næst haustið 2025.

Endurskoðun og uppfærslur áætlunarinnar eru í höndum þverfaglegs jafnréttisteymis Keilis, miðstöðvar vísinda, fræða og atvinnulífs sem starfar í umboði framkvæmdastjóra.

Jafnréttisáætlun

Keilir

Þjónusta

Mest heimsótt

Námið

Námsframboð

Þróunarsetur