28.01.2013
109 nemendur brautskráðust frá Keili í janúar 2013
Keilir brautskráði nemendur af Háskólabrú og Flugakademíu föstudaginn 25. janúar síðastliðinn. Að þessu sinni brautskráðust í allt 109 nemendur, þar af 86 nemendur úr fjarnámi Háskólabrúar, 14 úr flugþjónustunámi, fimm úr flugumferðarstjórn, þrír úr flugrekstrarfræði og einn atvinnuflugmaður. Útskriftin fór fram í Andrews Theater á Ásbrú að viðstöddu fjölmenni.
Salóme Þóra Valdimarsdóttir var dúx Háskólabrúar, en hún brautskráðist af Félagsvísinda- og lagadeild
með 9,42 í meðaleinkunn. Aðrir dúxar voru Telma Rut Einarsdóttir með 8,99 í meðaleinkunn úr flugumferðarstjórnarnámi, Tania
Sofia Jónasdóttir með 9,65 í meðaleinkunn af flugþjónustubraut og Andri Hermannsson með meðaleinkunnina 7,78 í
flugrekstrarfræði.
Thelma Sif Sigurjónsdóttir og María Sjöfn Árnadóttir fluttu ávörp fyrir hönd útskriftarnemenda Keilis. Valdimar
Guðmundsson og Björgvin Ívar Baldursson sáu um tónlistaratriði.
Hægt er að skoða myndir frá athöfninni hér.