Fjarnámshlaðborð Keilis
Keilir býður upp á áfanga sem miðast við Aðalnámskrá framhaldsskólanna. Áfangarnir henta bæði öllum þeim sem þurfa að uppfylla ákveðnar forkröfur til náms innan annarra deilda Keilis og öðrum sem vantar einungis viðbótareiningar en stefna á nám utan Keilis. Nánari upplýsingar.
Áfangar í fjarnámi - flettið < >
Upplýsingalæsi á tölvur og sjúkraskrár (UPPÆ1SR05)
Áfanginn fjallar um leit og notkun á fræðilegum upplýsingum. Áhersla verður lögð á að nemendur geti leitað sér að fræðilegum heimildum í leitarvélum, á alnetinu, í bókum og í tímaritum. Fjallað verður sérstaklega um sjúkraskrár, meðferð persónuupplýsinga, þagnarskyldu og varðveislu gagna.
Afbrotafræði (FÉLA2AB05)
Áfanginn er inngangur að afbrotafræði. Farið er í sögu greinarinnar og nokkrum helstu hugtökum og kenningum gerð skil. Áhersla er lögð á afbrotahegðun og refsingar m.a. í tengslum við lagskiptingu og menningarkima.
Bókfærsla I (BÓKF1IB05)
Í áfanganum er farið í grunninn á bókhaldi og meginreglur tvíhliða bókhalds. Fjallað er um grundvallarhugtökin eignir, skuldir, gjöld og tekjur. Lögð er áhersla á færni í að annast almennar færslur í dagbók, skilning á uppgjöri og að geta sett fram efnahags- og rekstrarreikning.
Eðlisfræði (EÐLI2BY05)
Í þessum grunnáfanga í eðlisfræði er farið yfir hreyfingu hluta eftir beinni línu, vigra í tvívíðu rúmi, kraftalögmál Newtons, orkuvarðveislu, skriðþunga, þrýsting og ljósgeislafræði. Áhersla verður á skilning nemandans á efninu og að hann geti tengt það við raunveruleg vandamál.
Enska á 2. þrepi (ENSK2LO05)
Áfanginn byggir á grunnskólahæfni nemenda. Í áfanganum er lögð áhersla á að þjálfa færni nemendans í enskri málfræði, virkri hlustun, lesskilning og tjáningu bæði munnlega og skriflega á enskri tungu. Nemendur munu vinna sjálfstætt við fjölbreytileg verkefni í áfanganum.
Enska á 3. þrepi (ENSK3TG05)
Nemendur vinna með menningu og sögu í tilteknu enskumælandi samfélagi, venjur þar og siði. Unnið með lestur og ritun texta af fjölbreyttri gerð. Nemendur efla grunnorðaforða vísinda og fræða, tjá hugsun sína skýrt í ræðu og riti og rökstyðja skoðanir sínar.
Fjármálalæsi (FJÁR1FL05)
Í áfanganum er farið í gildi fjármála fyrir einstaklinginn, fyrirtækið og samfélagið. Lögð verður áhersla á fjármálalæsi sem hagnýta fræðigrein. Fjallað er m.a. um ábyrgð á sviði fjármála, tekjur, útgjöld, sparnað, lánamál, peningaáhyggjur, eðli peninga, fjármálastofnanir og ýmislegt fleira.
Íslenska á 2.þrepi (ÍSLE2GA05)
Viðfangsefni áfangans er íslenskt mál og bókmenntir. Nemendur efla markvisst færni sína í lestri og réttritun. Nemendur afla sér heimilda og setja í samhengi við þær bókmenntir sem unnið er með hverju sinni, vinna með ólíka ritstíla og fá þjálfun í að þekkja ákveðin tímabil bókmenntasögunnar.
Íslenska á 3. þrepi (ÍSLE3BF05)
Í áfanganum er viðfangsefnið bókmenntasaga og bókmenntir fyrri alda; Eddukvæði, Íslendingasögur, lærdóms- og upplýsingaröld. Áframhaldandi þjálfun nemenda í ritun og sköpun.
Kvikmyndasaga (SAGA2KM05)
Í áfanganum verður fjallað um sögu kvikmyndanna, frá fyrstu verkum frumkvöðlanna til dagsins í dag. Fjallað verður um helstu tímabil, strauma og stefnur, þekkta framleiðendur, leikstjóra, leikara og leikkonur.
Líffæra- og lífeðlisfræði 1 (LÍOL2BV05)
Á námskeiðinu verður farið yfir grundvallar atriði hvað varðar líkamann og hvernig hann starfar. Farið er yfir skipulag líkamans og notkun á latneskum orðum yfir áttir og skipulag líkamans, farið yfir efni líkamans, flutningur á efnum milli frumna, vefjagerðir líkamans og starfsemi þeirra.
Líffæra- og lífeðlisfræði 2 (LÍOL2IL05)
Í áfanganum verður farið yfir helstu grundvallaratriði í líffæra- og lífeðlisfræði. Farið verður yfir eftirfarandi líkamskerfi: Hringrásarkerfið, öndunarkerfið, meltingarkerfið, þvagfærakerfið og æxlunarkerfið.
Physics (EÐLI2GA05)
The course is a basic course in classical physics. Students practice finding and using the right physics tools to examine and understand the world around them. The course is only in english.
Skyndihjálp (SKYN2SÞ01)
Í þessum áfanga er farið í helstu atriði og viðbrögð við óvæntum slysum og veikindum. Áhersla er lögð á góðan skilning á efninu og færni í grunnendurlífgun og notkun hjartastuðtækja, meðhöndlun veikra og slasaðra.
Stærðfræði (STÆR2HS05)
Í áfanganum verður farið í verslunarreikning (jöfnur, hlutfalla-, prósentu og vaxtarreikning, verðtryggingu og erlendan gjaldeyri) og grunnþætti tölfræði (tíðni, gröf, miðsækni og dreifingu). Nemendur læra að nota töflureikni við útreikning og úrvinnslu gagna.
Stærðfræðigrunnur - Undirbúningsnámskeið
Stærðfræðigrunnur er hugsaður sem þjálfunarnámskeið og er sniðinn að þörfum þeirra sem vantar upp á grunninn til að geta hafið stærðfræðinám. Hann hentar því öllum þeim sem óska eftir upprifjun eða aukaefni í stærðfræði.
Íslenska - nútímabókmenntir (ÍSL3NB05)
Nemendur lesa íslenska bókmenntatexta 20. og 21. aldar. Þeir fá þjálfun í að greina og túlka smásögur, skáldsögur og ljóð, tengja textana við bókmenntastefnur og setja þá í samhengi við ritunartíma og samtíma.