Flugakademía Keilis býður upp á flugbúðir fyrir ungt fólk og aðra áhugasama um flug. Á námskeiðinu er farið yfir allt það áhugaverðasta og skemmtilegasta sem kennt er í flugtengdum fögum. Þátttakendur fá innsýn inn í áhrif veðurs á flug, hvernig flugvélar eru uppbyggðar og hvernig þær fljúga. Einnig verður kynning á öðrum hliðum flugheimsins til dæmis flugvirkjun og flugumferðastjórn.
Gestafyrirlesarar úr flugtengdum fögum verða á námskeiðinu, svo sem flugmaður sem segir frá daglegu lífi sínu í millilandaflugi, og eru leiðbeinendur flugmenn og kennarar við Flugakademíu Keilis. Farið verður í vettvangsferðir og áhugaverðir flugtengdir hlutir skoðaðir í mörgum tilfellum eitthvað sem venjulegt fólk upplifir aldrei.
Námskeiðið hentar vel þeim sem hafa brennandi áhuga á flugi og flugtengdum málum, sem og þeim sem hyggja á flugnám í framtíðinni. Allir þátttakendur fá persónulega kynningu á Redbird þjálfunarflughermi Flugakademíu Keilis.
Sumarnámskeið fyrir 12 ára og eldri (13. - 16. júní 2016)
- Námskeiðið er ætlað einstaklingum 12 ára og eldri
- Námskeiðið er í fjóra daga, frá mánudegi til og með fimmtudags, frá 9:00 - 15:00
- Innifalið í verðinu er hádegismatur, námsgögn, vettvangsferðir og kynning á þjálfunarflughermi Flugakademíu Keilis.
- Frá Reykjavík gengur strætó beint hingað á Ásbrú. Sjá www.straeto.is fyrir nánari upplýsingar um samgöngur
- Mikilvægt að hafa vegabréf alla dagana til að komast inn á flugverndarsvæði
- Verð: kr. 34.900
- Skráning | Kaupa gjafabréf
Kennslan fer fram í húsnæði Keilis á Ásbrú og vettvangsferðir verða farnar um nágrenni skólans, meðal annars inn á Keflavíkurflugvöll.
Gjafabréf í kynnisflug
- Flugakademía Keilis býður einnig upp á staka tíma í kynnisflug. Flug um landið í einkaflugvél er einstök upplifun sem líður seint úr minni þeirra sem það prófa. Gjafabréf í kynnisflug hjá Flugakademíu Keilis er tilvalin gjöf fyrir alla þá sem hafa áhuga á flugi eða hyggja á flugnám.
- Skráning í kynningarflug | Kaupa gjafabréf
Umsagnir þátttakenda eftir námskeiðið sumarið 2013
- "Frábært og skemmtilegt"
- "Afskaplega fræðandi og hrikalega skemmtilegt"
- "Skemmtileg og góð reynsla"
- "Þetta var besta námskeið í heimi"
Umsagnir þátttakenda eftir námskeiðið í febrúar 2014
- "Spennandi fyrir flugáhugamenn"
- "Mjög skemmtilegt og ég mæli með því"
- "Ein besta upplifun lífs míns"
Umsagnir þátttakenda eftir námskeiðið í febrúar 2015
- "Ég mæli algjörlega með þessu fyrir fólk sem hefur áhuga á flugi og vill kynnast ýmsum sviðum"
- "Gargandi snilld. Tær snilld sem þú ættir ekki að lára framhjá þér."
- "Eitt orð: fluggeggjun"
- "Frábært námskeið heppnaðist mjög vel, skemmtilegir kennarar og aðstoðarmenn sem gerði námskeiðið létt, þægilegt en samt skilningsríkt og öllu var vel skilað af sér."
Nánari upplýsingar veita Sigrún Svafa Ólafsdóttir á netfangið viskubrunnur@keilir.net eða í síma 578 4091