Á tíu ára afmæli Keilis veitti skólinn viðurkenningu fyrir þann kennara sem hefur skarað framúr í innleiðingu vendináms (flipped learning) og nýrra kennsluhátta. Viðurkenningin sem Flippari ársins féll í skaut Ívars Valbergssonar, kennara í vélstjórn í Fjölbrautaskóla Suðurnesja.

 

Jon Bergmann, einn af upphafsmönnum Flipped Learning í Bandaríkjunum, tilkynnti um valið á afmælishátíð Keilis í Andrews Theater á Ásbrú þann 4. maí 2017. Ívar hefur verið ötull talsmaður vendináms og er frumkvöðull í innleiðingu þeirra í verk- og iðnnámi ekki bara á Íslandi heldur á heimsvísu, og er hann verðugur handhafi þessarar viðurkenningar. 

 

Keilir mun framvegis veita þessa viðurkenningu árlega fyrir þá kennara og skólastofnanir sem hafa skarað framúr í innleiðingu vendináms í skólastarfi.