Á Háskóladeginum verða kynntar yfir 500 námsleiðir í öllum háskólum landsins. Ásamt námskynningu skólanna verður boðið upp á ótal viðburði og uppákomur sem sýna starfsemi þeirra í litríku ljósi. Háskóladagurinn 2012 verður haldinn 18. febrúar 2012 klukkan 12 - 16. Allir eru velkomnir. 

Keilir verður með bás í anddyri Háskólabíó, þar sem hægt verður hægt að kynnast BSc námi í tæknifræði, flugnámi og ÍAK einkaþjálfun. Hægt verður að prófa flughermi Flugakademíu Keilis, nemendur úr tæknifræðinámi Keilis segja frá lokaverkefnum sínum, kynntar verða námsmannaíbúðir á Ásbrú, ÍAK einkaþjálfarar verða með hoppmælingar, greiningar á styrk og fleira. 

Keilir verður einnig með kynningar á námsframboði landsbyggðinni og heimsækir nokkra framhaldsskóla landsins í mars. Kynningarnar verða auglýstar sérstaklega á viðkomandi stöðum þegar nær dregur.

• 6. mars: Menntaskólinn á Egilsstöðum
• 7. mars: Verkmenntaskólinn á Akureyri
• 8. mars: Fjölbrautaskóli Suðurlands á Selfossi
• 14. mars: Menntaskólinn á Ísafirði

• Háskólabíó: Háskólinn á Akureyri, Háskólinn á Hólum, Landbúnaðarháskóli Íslands, Listaháskóli Íslands, Keilir og Norrænir háskólar 
• Háskóli Íslands: Aðalbygging, Askja og Háskólatorg 
• Háskólinn í Reykjavík og Listaháskóli Íslands í húsakynnum HR í Nauthólsvík. 
• Norræna húsið: Bifröst