Keilir útskrifaði 22 nemendur frá Háskólabrú og 20 ÍAK einkaþjálfara við hátíðlega athöfn hjá SÍMEY á Akureyri 7. júní.
Hjálmar Árnason, framkvæmdastjóri Keilis flutti ávarp við útskriftina ásamt Valgeiri Mangússyni, verkefnastjóra hjá SÍMEY, Soffíu Waag Árnadóttur, forstöðumanni Háskólabrúar og Gunnhildi Erlu Vilbergsdóttur, forstöðumanni Íþróttaakademíu.
Að venju voru nemendur með hæstu meðaleinkunn verðlaunaðir. Hrafnhildur Gunnþórsdóttir og Magnús Einarsson voru jöfn með 8,71 í meðaleinkunn frá Háskólabrú og dúx ÍAK einkaþjálfaranáms var Jóhanna Friðriksdóttir með 9,36 í meðaleinkunn.
Þórhildur Örvarsdóttir og Kristján Edelstein fluttu létta sumartónlist við hátíðina.
Útskriftarhópur ÍAK einkaþjálfara
Verðlaunaafhending fyrir hæstu meðaleinkunn á Háskólabrú
Verðlaunaafhending fyrir hæstu meðaleinkunn í ÍAK einkaþjálfun
Hjálmar Árnason, framkvæmdastjóri Keilis flutti ræðu
Bryngeir Valdimarsson flutti ræðu f.h. útskriftarnema af Háskólabrú
Stefán Birgir Birgisson flutti ræðu f.h. útskrifaðra ÍAK einkaþjálfara