Keilir tók þátt í námskynningunni "Nám er vinnandi vegur" í Laugardalshöll fimmtudaginn 12. maí síðastliðinn. Fjölmargir sóttu kynningarbás Keilis á námsmessunni og var mikill áhugi á námsframboði og þeim sérhæfðu úrræðum sem við bjóðum uppá. Nánari upplýsingar má nálgast hér. Keilir tók þátt í námskynningunni "Nám er vinnandi vegur" í Laugardalshöll fimmtudaginn 12. maí síðastliðinn. Fjölmargir sóttu kynningarbás Keilis á námsmessunni og var mikill áhugi á námsframboði og þeim sérhæfðu úrræðum sem við bjóðum uppá. Nánari upplýsingar má nálgast hér.

---

Nám er vinnandi vegur byggir á tillögum frá samráðshóp ráðuneyta, allra þingflokka, aðila vinnumarkaðarins og hreyfinga námsmanna sem forsætisráðherra skipaði. Fjármögnun átaksins var tryggð með samráði ríkisstjórnar og aðila vinnumarkaðarins í tengslum við gerð kjarasamninga en í heild verða framlög til menntamála með átakinu aukin um sjö milljarða króna næstu þrjú ár. 

Atvinnuleitendum verður gefið tækifæri til að mennta sig, sérstakur þróunarsjóður stofnaður til að efla starfstengt nám og samstarf skóla og fyrirtækja um starfstengt nám verður aukið. Lög um LÍN og framfærslukerfi námsmanna verða endurskoðuð, skil framhaldsskóla og fullorðinsfræðslu verða gerð sveigjanlegri, námsráðgjöf efld og vinnustaðanámssjóður styrktur. 

Nám er vinnandi vegur byggir á því markmiði Íslands 2020 að hlutfall Íslendinga á aldrinum 
20-66 ára sem ekki hafa lokið námi í framhaldsskóla fari úr 30% niður í 10% fyrir árið 2020. 

---

Sköpun 
Skapandi greinar verða sífellt mikilvægari í atvinnulífinu og nú eru ársverk í þeim geira nærri 10.000. Ný hugverk eru verðmæti, störfin skemmtileg og þörfin fyrir skapandi starfskrafta mun halda áfram að aukast. Námsráðgjafar og skólar munu kynna námsleiðir og nýja möguleika á þessu sviði. 

Tækni 
Á næstu árum er áætlað að fjöldi nýrra starfa skapist ár hvert í verk- og tæknigeiranum. Aukin þörf fyrir starfsfólk með menntun og hæfni í verklegum greinum skapar spennandi tækifæri fyrir alla sem vilja bæta við grunnmenntun sína og bæta stöðu sína á vinnumarkaði. Fjölmörg námstækifæri á þessu sviði verða kynnt á námsstefnunni. 

Umönnun 
Með hækkandi meðalaldri og sífellt betri aðbúnaði fjölgar umönnunarstörfum ár frá ári. Eftirspurn eftir menntuðu starfsfólki er mikil og líklegt er að hún fari vaxandi næstu ár. Störf í þessum geira eru fjölbreytt og tækifærin mörg. Námsmöguleikar á framhalds- og háskólastigi verða kynntir auk ýmissa símenntunartækifæra.