06.06.2017
Keilir stendur fyrir ráðstefnu um hlutverk kennara og skólastjórnenda í innleiðingu vendináms og vinnubúðir um notkun vendináms í skólastarfi, fimmtudaginn 8. júní kl. 13:00 - 16:00.
Ráðstefnan er styrkt af Nordplus Junior Menntaáætlun norrænu ráðherranefndarinnar og er liður í samstarfsverkefni skóla í Eistlandi, Finnlandi, Danmörku og á Íslandi. Verkefnið, sem hófst í ágúst 2016 og lýkur í ágúst 2017, gengur út á að setja saman Norrænt samstarfsnet sérfræðinga og kennara sem nýta vendinám í kennslu. Meðal framsögumanna á ráðstefnunni verða:
- Björn Gunnlaugsson, verkefnastjóri innleiðingar spjaldtölva í Kópavogsbæ
- Marika Toivola, kennari við Háskólann í Turku í Finnlandi og umsjónarmaður síðunnar: www.flippedlearning.fi
- Peter Holmboe, kennari við Háskólann í Suður Danmörku og umsjónarmaður síðunnar: www.flippedlearning.dk
- Hanne-Lene Hvis Dreesen, kennari við Háskólann í Suður Danmörku
- Ívar Valbergsson, kennari í vélstjórn hjá Fjölbrautaskóla Suðurnesja og Flippari ársins 2017
- Hjördís Alda Hreiðarsdóttir, íslenskukennari í Háskólabrú Keilis
- Kristján Ómar Björnsson, heilsustjóri NÚ skólans í Hafnarfirði
- Hjálmar Árnason, framkvæmdastjóri Keilis
- Inga Eiríksdóttir, stærðfræðikennari við Menntaskólann á Tröllaskaga
- Hjördís Alda Hreiðarsdóttir, íslenskukennari við Háskólabrú Keilis
Ráðstefnan verður haldin í aðalbyggingu Keilis á Ásbrú í Reykjanesbæ. Allir velkomnir.