Orku- og tækniskóli Keilis, ásamt Kadeco standa fyrir sýningu á kvikmyndinni HOME í Andrews Theater 12. maí næstkomandi. Orku- og tækniskóli Keilis, ásamt Kadeco standa fyrir sýningu á kvikmyndinni HOME í Andrews Theater 12. maí næstkomandi. Myndin er frá árinu 2009, eftir leikstjórann Yann Arthus-Bertrand. Kvikmyndin var fjármögnuð af stórfyrirtækinu PPR, sem er móðurfyrirtæki tískuframleiðandans Gucci. Myndin tekur á mikilvægum spurningum sem varða endurnýjanlega orku, hlýnun loftslags og jafnvægi jarðarinnar. Nokkur lönd eru nefnd sem fyrirmyndarþjóðir, þar á meðal Ísland, sem hefur náð að nýta endurnýjanlega orku meira en nokkuð annað land í heiminum.