Þrátt fyrir tímabundna erfiðleika ferðaþjónustu hérlendis og erlendis eru mýmörg tækifæri sem tengjast menntun, endurmenntun og þjálfun starfsfólks í ferðaþjónustu og tengdum greinum. Keilir hefur því á undanförnum mánuðum unnið að gerð fjölbreyttra ferðaþjónustutengdra námskeiða sem verða í boði frá og með janúar 2021.

Ída Jensdóttir hefur verið ráðin nýr fjármálastjóri Keilis – miðstöðvar vísinda, fræða og atvinnulífs.

Þriðjudaginn 3. nóvember tekur gildi ný reglugerð heilbrigðisráðherra um takmarkanir á skólastarfi vegna kórónuveirufaraldursins. Nám á vegum Keilis mun því fara fram í fjarnámi eins og við verður komið. Lögð er áhersla á daglega sótthreinsun í húsnæði Keilis en gestakomur þangað eru bannaðar.

Menntaskólinn á Ásbrú óskar eftir að ráða kennara í ensku. Umsóknarfrestur er til og með 9. nóvember 2020.

Ríflega þúsund einstaklingar stunda nám við skóla Keilis á yfirstandandi skólaári. Fjölmennasti skólinn er Háskólabrúin en fjölmennasta námslínan er þó atvinnuflugnám Flugakademíu Íslands.

Í dag, 20. október er alþjóðlegi tölfræðidagurinn sem tölfræðideild efnahagssviðs Sameinuðu þjóðanna stendur fyrir og er haldinn hátíðlegur á fimm ára fresti. Keilir lætur sitt ekki eftir sitja við fögnuð á tölfræðinni og höfum við birt alla gildandi tölfræði um nemendahóp okkar hér á síðunni.

Markaðsstofa Reykjaness, Íslenski ferðaklasinn og Keilir hafa undirritað samkomulag um stofnun Nýsköpunarakademíu ferðaþjónustunnar. Með stofnun akademíunnar verður til sameiginlegur vettvangur ferðaþjónustu, menntastofnana og hagsmunaaðila til að efla nýsköpun, fræðslu, endurmenntun og tengslanet innan ferðaþjónustunnar.

Þórir Erlingsson, aðjúnkt við ferðamáladeild Háskólans á Hólum, leiðir nýtt verkefni hjá Markaðs- og þróunarsviði Keilis sem tengist þróun á námsframboði tengt ferðaþjónustu.

Öll vinna nemenda og kennara færist yfir í fjarnámsaðstæður í komandi viku, 5.-9.október. Vikan er sú síðasta í fyrri lotu annarinnar. Skólastarfið verður nánast með óbreyttu sniði, sama stundatafla, sömu verkefni, virk mætingaskylda o.s.frv. Það eina sem breytist er að í stað þess að nemendur séu staðsettir á Ásbrú í kennslu stundum þá verða þau stödd heima hjá sér. Þetta gerir örlítið auknar kröfur til nemenda hvað varðar sjálfstæð vinnubrögð og þau þurfa að vera mjög virk og móttækileg í rafrænum samskiptum – bæði við samnemendur og kennara.

Vegna hertra samkomutakmarkana verða enn frekari breytingar á skólahaldi í Keili frá og með mánudeginum 5. október. Allt nám færist yfir í fjarnám eins og því verður við komið. Mötuneyti Keilis verður lokað enn um sinn og gestakomur bannaðar.