Keilir verður með opinn kynningarfund um námsframboð skólans föstudaginn 26. apríl kl. 17 - 18 í Fræðslumiðstöð Vestfjarða á Ísafirði að Suðurgötu 12. Allir velkomnir.

Keilir verður með kynningu á námsframboði skólans á Starfamessu á Selfossi, miðvikudaginn 10. apríl næstkomandi. Við kynnum sérstaklega nýtt nám til stúdentsprófs með áherslu á tölvuleikjagerð í Menntaskólanum á Ásbrú, atvinnuflugnám og leiðsögunám í ævintýraferðamennsku.

Flugakademía Keilis hefur opnað starfsstöð fyrir nemendur í verklegu atvinnuflugnámi á Alexandersflugvelli í Skagafirði. Bæði nemendur og kennarar sem hafa undanfarið verið staðsettir á Sauðárkróki eru yfir sig ánægðir með bæði innviði og aðstöðu til flugnáms í Skagafirði, en þar eru kjöraðstæður til verklegrar flugkennslu.

Vegna aukinna umsvifa Flugakademíu Keilis í Skagafirði, verðum við með opinn kynningarfund á atvinnuflugmannsnámi á Alexandersflugvelli á Sauðárkróki, fimmtudaginn 7. mars kl. 12 - 13.

Við verðum með opinn kynningarfund um námsframboð Keilis þriðjudaginn 5. mars kl. 17:00 á Hótel KEA í Hafnarstræði á Akureyri.

Við verðum með opinn kynningarfund um námsframboð Keilis mánudaginn 4. mars kl. 20:00 í Farskólanum á Sauðárkróki. Við leggjum áherslu á að þetta verði létt spjall þar sem þú getur fengið upplýsingar um námsframboð skólans bæði í staðnámi og fjarnámi.

Menntasvið Keilis tók nýverið saman tölulegar upplýsingar um nemendur og starfsfólk Keilis. Þar kemur meðal annars að á yfirstandandi skólaári stunda hátt í sjö hundruð nemendur nám við skólann og að í fyrsta skipti frá upphafi stunda jafn margar konur og karlar nám í Keili.

Keilir stendur fyrir Menntabúðum fimmtudaginn 14. febrúar kl 16:15 – 18:15 í aðalbyggingu skólans á Ásbrú í Reykjanesbæ. Menntabúðir eru ætlaðar öllum sem áhuga hafa á skólaþróun og almennan áhuga á menntamálum.

Keilir brautskráði 103 nemendur við hátíðlega athöfn í Andrews Theater á Ásbrú í Reykjanesbæ föstudaginn 18. janúar. Við athöfnina voru brautskráðir 45 nemendur af Háskólabrú, 28 atvinnuflugmenn, 23 flugvirkjar og sjö nemendur úr fótaaðgerðafræði.

Starfsfólk og kennarar Keilis þakka kærlega fyrir árið sem er að líða. Við óskum vinum og viðskiptavinum gleðilegra jóla og farsældar á komandi ári.