Hægt er að skoða nýjan kynningarbækling um námsframboð, íbúðir og stoðþjónustu Keilis á PDF formi hér.

Á sumardaginn fyrsta var Keilir með opið hús. Við óskum þeim fjölmörgu gestum sem heimsóttu okkur, ásamt nemendum, starfsfólki og samstarfsaðilum Keilis gleðilegs sumars. Myndir frá opna deginum

Í dag er Bóksafnsdagurinn haldinn hátíðlegur í annað sinn. Yfirskrift dagsins er „Lestur er bestur“.  Eins og áður verður margt spennandi að gerast á söfnunum um allt land. Við í Keili gefum bókamerki og sleikjó til þess að bryðja með lærdómnum í dag.

Hinn árlegi opni dagur á Ásbrú verður haldinn á sumardaginn fyrsta næstkomandi, fimmtudaginn 19. apríl, kl. 13:00 - 16:00.

Hægt er að skoða myndir frá vel heppnuðum fyrirlestri um loftslagsbreytingar, sem var haldinn í Andrews Theater, föstudaginn 13. apríl síðastliðinn hérna.

Keilir ásamt epli.is standa fyrir vinnustofum sem einblína á notkun iPad í skólastarfi. Vinnustofurnar verða í Keili föstudaginn 20. apríl, kl. 13:30 - 16:00. 

Föstudaginn 13. apríl, kl. 13:00 verður opinn fyrirlestur um loftslagsbreytingar í Andrews Theatre á Ásbrú. Sigurður Eyberg, umhverfis- og auðlindafræðingur flytur erindi og forseti Íslands, Hr. Ólafur Ragnar Grímsson, setur viðburðinn með frásögn af ferð sinni með Al Gore til Suðurheimskautslandsins fyrr á árinu. 

Keilir kynnir nú vegna mikillar eftirspurnar nám í flugþjónustu kennt í fyrsta skiptið í kvöldskóla. Námið er afar lifandi og skemmtilegt og miðar að því að gera nemendur tilbúna til spennandi starfa í háloftunum víðs vegar um heiminn.

Tæknifræðingar framtíðarinnar úr Ísaksskóla í Reykjavík kynntust vísindagöldrum og tæknibrellum í Keili á dögunum. Við þökkum þeim kærlega fyrir heimsóknina. Hægt er að sjá myndir úr ferðinni á heimasíðu Ísaksskóla.

Suðurnesjamenn kynntu sér námsframboð fjölda fræðsluaðila á námskynningu í Stapanum, 27. mars síðastliðinn. Kynningarbás Keilis vakti mikla athygli og var Van de Graaff rafall tæknifræðinema við skólann vinsæll meðal gesta.