Keilir, ásamt Alkemistanum og Náttúrustofu Reykjaness, hlutu á dögunum styrk úr Atvinnuþróunarráði sveitarfélaga á Suðurnesjum til rannsókna á nýtingu og vinnslu á lífrænt vottuðum þörungum til notkunar í heilsu- og húsvörum.

Fulltrúar Keilis fór á dögunum í heimsókn til AGH tækniháskólans í Kraká í Póllandi. Heimsóknin var farin að tilstuðlan og í boði rektors og aðstoðarrektora AGH, til að fylgja eftir heimsókn þeirra til Keilis síðastliðið haust. Ljóst er að það er gagnkvæmur áhugi beggja skóla á nánu samstarfi í framtíðinni.

Opnað hefur verið fyrir umsóknir um háskólanám í tæknifræði (BSc) á haustönn 2014.

Nýverið birtist grein í tímariti Tækniseturs Oregon í jarðhitarannsóknum "Geo-Heat Center Quarterly" þar sem fjallað er um rannsóknir á Íslandi sem tengjast nýtingu jarðhita í landbúnaði. Björg Árnadóttir, nemandi á lokaári í orku- og umhverfistæknifræði hjá Keili, vinnur BSc verkefni sitt í samstarfi við einn höfunda greinarinnar um nýtingu á affalli húsa til upphitunar jarðvegs.

Nýverið kom fram að Vogaskóli í Reykjavík hyggst hafa allar kennslubækur fyrir heilan árgang nemenda geymdan í Kindle, en Flugakademía Keilis hefur einmitt nýtt rafrænar kennslubækur í iPad spjaldtölvum síðan haustið 2011.

Háskóli Íslands og Keilir hafa fengið afhentan tölvustýrðan hitakerfahermi að gjöf frá Gesti Gunnarssyni tæknifræðingi, sem mun nýtast við kennslu í tæknifræðinámi skólans.

Lokað verður hjá Keili frá og með 23. desember, en við opnum aftur á skrifstofunni mánudaginn 2. janúar kl. 10.

Sett hefur verið upp sérstök síða á vef Keilis þar sem hægt að nálgast gagnlegar upplýsingar fyrir nýnema á einum stað.

Háskólanám í tæknifræði hjá Keili tekur einungis þrjú ár sem þýðir að nemendur komast fyrr út á atvinnumarkaðinn en í öðru sambærilegu námi. Þar að auki er beinn kostnaður við tæknifræðinámið mun minni en í öðrum skólum og þú gætir því sparað þér umtalsverðar fjárhæðir með að læra tæknifræði hjá Keili.

Hægt er að sækja um nám í Flugakademíunni, Háskólabrú fjarnámi og Tæknifræði (BSc) fyrir vorönn 2012.